Menu:

















RYUGTŌS SŌPES
 
Apdūmōsim myusu Kunga Jezus Kristus cīsšonas un npurēsim tōs dabasu Tāvam, jō dīviškōs Majestates gūdam un slavei, pasateicūt par bezgaleigū mīlesteibu uz cylvākim, jo „Dīvs tik ļūti mīļōja pasauli, ka syuteja sovu vīnpīdzymušū Dālu, lai Tys glōbtu cylvākus nu grākim”. Myusu dēļ Jezus cīte un nūmyra pi krysta.
 
Šōs pōrdūmas veļteisim ari Vysusvātōkōs Jaunovas Marijas, Sōpju Mōtes, gūdam, lyudzūt jōs patvārumu un aizbiļdnīceibu.
 
 

 
Ryugtōs sōpes,osu šautri
Myusu sirdim durit cauri. (Divkōrt)
 
Jautrōs sejas, skumēs neikstit
Un osorōs, vaigi sleikstit.
 
Spūdrō saule ūmai tymsoj,
Jō tai žālums vaigu aizkloj.
 
Pat eņgeli prīcas nabaud’,
Raudu dzīsmēs sōpes izraud.
 
Cītōs kliņtis pušu škeļās,
Svātū mīsas augšanceļās. 
 
Kas nūtyka, kas tam vaines?
Kōpēc nūteik tōs pōrmaines?
 
Kristus sōpes un cīsšonas
Vysus spīž pi nūskumšonas!
 
Atgrīz Jezu cītsirdeigūs,
Pador jūs Tev paklauseigus.
 
Un caur tovu ryugtū nōvi,
Nikam naļauņ pazust veļti.
 
Lai mīleibā isalīsmoj,
Kas par tovom sōpem dūmoj. 


Pyrmō daļa

Ūtrā daļa
Trešō daļa

Copyright © 2013-2016 Romas katoļu Baznīcas Rēzeknes-Aglonas diecēze